Autor: Raffaela Tobler
Es schmeckt zwar immer guet,
wenn öpper bache tuet,
aber de feinschti Duft
isch Wiehnachtsguetzliluft.
Veruss isch alles lis,
de Näbel isch ganz wiiss,
doch us de Chuchi schmeckts jetzt grad,
wie usem Paradiis.
Zimetstern hani gern, Mailänderli au,
Tirggel und Spitzbuebe und Ring us Willisau.
Läckerli lieben i, Chräbeli no meh,
Totebeinli, Pfeffernüss mit Puderzuckerschnee.